"Elektron hökumət" portalındakı "Şəxsi kabinet" vasitəsilə kommunal borcları, cərimə və rüsumları ödəmək, bildirişləri əldə etmək mümkün olacaq.

Rabitə və Yüksək Texnologiyalar Nazirliyindən Axar.az-a verilən məlumata görə, "Elektron hökumət" portalındakı "Şəxsi kabinet"in funksionallığı artırılır.

Tezliklə "Şəxsi kabinet"in yeni funksiyaları istifadəyə veriləcək. "Şəxsi kabinet" vasitəsilə istifadəçilər kommunal borclar, ödəməli olduqları cərimə və rüsumlar, öz adlarına olan daşınmaz əmlak, ev telefonları və mobil telefonlar barədə bildiriş əldə edə biləcəklər.

Bundan əlavə, istifadəçinin sənədlərinin etibarlılıq müddətinin bitməsi barədə bildiriş almaq olacaq.

Qeyd edək ki, "Elektron hökumət" portalında qeydiyyatdan keçdikdən sonra sistem avtomatik olaraq istifadəçinin "Şəxsi kabineti"ni formalaşdırır.