Nazirlik Tovuz və Ağstafada işsiz və işaxtaran vətəndaşlar üçün əmək yarmarkası kecirəcək.

Əmək və Əhalinin Sosial Müdafiəsi Nazirliyindən Axar.az-a verilən məlumata görə, Dövlət Məşğulluq Xidməti tərəfindən iyunun 18-də Tovuz, iyunun 19-da isə Ağstafa rayonlarında Əmək yarmarkaları keçiriləcək.

Hazırda yarmarkalarda təqdim olunacaq boş iş yerləri barədə müəssisələrdən məlumatların toplanması işləri aparılır. İlkin məlumata görə, Tovuz rayonunda keçiriləcək yarmarkada 218, Ağstafa rayonunda keçiriləcək yarmarkada isə 260 boş iş yeri işsiz və işaxtaran vətəndaşların seçiminə təqdim olunacaq. Tədbirlərdə boş iş yeri təqdim edən müəssisələrin nümayəndələri də iştirak edəcək. Yarmarkalar zamanı peşə hazırlığına cəlb olunmaq istəyən şəxslərin qeydiyyatı da aparılacaq. Əmək yarmarkaları Tovuz rayonunda Şahmat məktəbinin binasında, Ağstafa rayonunda isə Heydər Əliyev Mərkəzində təşkil olunacaq.