Ölkə əhalisi daha çox Dövlət Sosial Müdafiə Fondunun elektron xidmətlərindən istifadə edir.

Fonddan Axar.az-a verilən məlumata görə, may ayında "Elektron hökumət" portalı üzərindən elektron xidmətlərindən ən çox istifadə olunan dövlət qurumları arasında Fond ilk yerlərdə qərarlaşıb.

2015-ci ilin may ayı ərzində Fondun rəsmi internet informasiya ehtiyatı, Elektron Hökumət və Hökumət Ödəniş Portalları üzərindən təqdim olunan elektron xidmətlər üzrə ümumilikdə 315 178 istifadə sayı qeydə alınıb. Həmin müddətdə Fondun ən çox istifadə olunan elektron xidmətləri sırasında "Əmək qabiliyyətinin müvəqqəti itirilməsinə görə müavinətlə bağlı haqq-hesab cədvəlinin təqdim edilməsi", "Uşağın üç yaşı tamam olanadək ona qulluq etməyə görə müavinətlə bağlı haqq-hesab cədvəlinin təqdim edilməsi", "Hamiləliyə və doğuma görə müavinətlə bağlı haqq-hesab cədvəlinin təqdim edilməsi" və "Uşağın anadan olmasına görə müavinətlə bağlı haqq-hesab cədvəlinin təqdim edilməsi" xidmətləri yer alıb.