Göyçay rayonu Potu kəndinin sakinləri naməlum şəxs və ya şəxslərin iki gündür kəndin yollarını traktorla darmadağın etməsindən şikayətlənib.

Axar.az xəbər verir ki, sakinlərin şikayətini jurnalist Elşad Məmmədli ictimailəşdirib. Sakinlər 2 metr dərinliyində qazıntı apararaq yerin altındakı 1970-ci illərdə çəkilmiş, sonralar istifadə edilməyən dəmir boruların çıxarılıb satılmasından, bu zaman isə yolların bərbad hala salınmasından narazılıq ediblər.

Məsələ ilə bağlı Şəmkir Rayon İcra Hakimiyyətinin Potu kənd nümayəndəliyindən saytımıza bildirilib ki, qazma işlərini “Azərsu” ASC-nin nümayəndələri aparır:

”Azərsu”nun nümayəndələri 1979-cu ildə çəkilən, hazırda isti suların axması nəticəsində çürümüş boruları çıxardırlar. Onların bu iş aparması üçün icazələri var”.

“Azərsu” ASC-dən bildirilib ki, Potu kəndində əvvəllər qurumun balansında olmuş, ancaq indi balansdan silinmiş boru xətti olub:

“İndi isə istismarı dayandırılmış bu boru xətlərinin demontajı həyata keçirilir”.