Ağır yaralanan və müalicə üçün YAŞAT Fondu tərəfindən Türkiyəyə göndərilən 5 qazimiz sağalaraq Vətənə geri dönüb.

Fonddan Axar.az-a bildirilib ki, qazilərimiz - Namiq Fərhad oğlu Cəfərovun, Yusif Fariz oğlu Atakişiyevin, Kənan Çinar oğlu Kazımovun, Şəhriyar Mirağa oğlu Əlizadənin və İlkin Elçin oğlu Ələkbərovun Türkiyədəki müalicə proseduru artıq uğurla yekunlaşıb.

Onların qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.

YAŞAT Fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq hazırda daha 64 qazimizin müvafiq müayinə, müalicə və reabilitasiya prosesi Türkiyədə davam etdirilir.