ANS telekanalının ən məşhur simalarından biri olan Nigar Mahmudova idarə etdiyi avtomobil ilə zəncirvari qəzaya səbəb olub.

Publika.az xəbər verir ki, Dərnəgül yolunda qeydə alınan hadisə zamanı Mahmudovanın idarə etdiyi 90 HB 373 dövlət nömrə nişanlı KİA markalı avtomobil ilə yanaşı, daha 2 avtomobilə də ziyan dəyib. Hadisə Dərnəgül yolunda, körpünün üstündə baş verib. Qəzaya səbəb kimi ara məsafənin düzgün seçilməməsi göstərilir. Qarşısındakı avtomobilin dayandığının fərqinə varmayan Mahmudova əyləci basmağa gecikib. Beləliklə, aparıcı qarşısındakı avtomobili vurub.

Xoşbəxtlikdən hadisə zamanı xəsarət alan olmayıb.