İkinci Qarabağ müharibəsinin qəhrəmanlarından biri də əslən rus olan Denis Sergeyeviç Quzlyayevdir. Quzlyayev Füzuli uğrunda gedən döyüşlərdə yaranıb.

Axar.az xəbər verir ki, bu haqda Birinci Qarabağ müharibəsinin şəhidi, Azərbaycan Milli Qəhrəmanı Yuri Kovalyovun qızı Rеqina Kovalyova öz Feysbuk hesabından paylaşım edib.

O bildirib ki, Quzlyayev “Vətəni düşməndən azad etməyə gedirəm” deyib və döyüşə yollanıb:

“Döyüş zamanı ağır yaralanan Denisin üz və çənəsi parçalanıb. Yaşaya biləcəyinə ümid yox idi, ancaq azərbaycanlı həkimlər onu müalicə etdi və öz ayaqları üzərində dura biləcək bir hala gətirdi. İndi D.Quzlyayev beşinci çənə əməliyyatı üçün hazırlanır.

Təcili şəfalar diləyirik, Denis, fəxrimizsən!

Milli birliyimiz Vətənimizin gücüdür!”

Qeyd edək ki, Denis Sergeyeviç Quzlyayev Füzuli uğrunda gedən döyüşlərdə göstərdiyi şücaətə görə “Füzulinin azad olunmasına görə” medalı ilə təltif edilib.