Bakı Ağ Şəhər ofis binası Dünya Memarlıq Festivalının (World Architecture Festival) "Ofis kateqoriyası"nda mükafata namizəd seçilib.

Bakı Ağ Şəhərin mətbuat xidmətindən Axar.az-a verilən məlumata görə, Dünya Memarlıq Festivalı 2015-ci il mükafatı üçün seçilmiş namizədlər siyahısını açıqlayıb.

Məlumata görə, dünyanın ən iri memarlıq mükafatı proqramı sayılan Dünya Memarlıq Festivalı 47 ölkədən 700-dən çox memarlıq və dizayn layihələri iştirak ərizələrini təqdim edib. Namizədlər siyahısında "Foster + Partners", "Zaha Hadid Architects", "Herzog & de Meuron", "OMA", "Buro Ole Scheeren", "Atkins" kimi memarlıq bürolarının işləri var.

Qeyd edək ki, bu kateqoriyada London, Sinqapur, Sidney, Abu-Dabi kimi şəhərlərin də ofis binalarının namizədliyi irəli sürülüb. Nəticələr 2015-ci il noyabrın 4-5-də Sinqapur şəhərində açıqlanacaq.