Ana səhifə Toplum |
Ağdam şəhərində hər şey məhv edilib. Bu şəhərin böyük ağrısını hiss etmək, insanların burada əziyyət çəkdiyini görmək mümkündür. İndi yenidən başlamağın, yenidənqurma barədə düşünməyin vaxtıdır.
Axar.az xəbər ki, bu sözləri İtaliyanın Azərbaycandakı yeni təyin olunmuş səfiri Klaudio Taffuri deyib.
K.Taffuri Qarabağın yenidən qurulması prosesində İtaliyanın da iştirak etməyə hazır olduğunu bildirib.
“Bir çox İtalya şirkəti buna hazırdır və yenidənqurma işində iştirak etməyə ümidvardırlar”, - diplomat bildirib.
Xatırladaq ki, səfir bu gün digər xarici diplomatik korpusun nümayəndələri ilə birgə işğaldan azad edilmiş Ağdam şəhərinə səfər ediblər. Səfər çərçivəsində diplomatlar ermənilərin törətdikləri vəhşiliklərlə tanış olublar. Sonra qonaqlar Ağdam şəhərində inşa olunacaq ilk yaşayış binasının təməlinin qoyulduğu əraziyə gəliblər.
Tarix
2021.06.13 / 18:53
|
Müəllif
Axar.az
|