Ana səhifə Toplum |
Bakı şəhər Dövlət Yol Polisi İdarəsi (BŞDYPİ) sürücülərə müraciət edib.
Axar.az xəbər verir ki, BŞDYPİ-nin ictimaiyyətlə əlaqələr bölməsinin rəisi Vaqif Əsədovun APA-ya verdiyi məlumata görə, Avropa Oyunlarına təhkim edilən avtomobillərin hərəkəti üçün ayrılan sarı zolaqda digər avtomobillərin hərəkəti üçün qoyulan qadağa iyulun 1-də götürüləcək.
V.Əsədov sürücülərə müraciətində Avropa Oyunlarına ayrılan avtomobillərin hərəkəti üçün ayrılan sarı zolaqda hərəkət etməməyi tövsiyə edib.
Lakin vətəndaşlar ayırılmış zolaqların ləğv edilməsini istəmir. Onların fikrincə, son hadisələr göstərdi ki, şəhərdə tıxacların yaranmasına intizamsızlıq səbəb olub. Üstəlik, Avropa Oyunları günlərində nəqliyyatın işinin düzgün qurulması da vəziyyəti xeyli yüngülləşdirib.
Bir çox vətəndaş Sumqayıt və region qeydiyyatında olan avtomobillərin və yük maşınlarının paytaxta girişinə qoyulmuş məhdudiyyətlərin, həmçinin parklanma ilə bağlı mövcud olan qadağaların qüvvədə saxlanılmasını, eyni zamanda dükanlara malların paylanılmasının gecələr həyata keçirilməsinin bundan sonra da davam etdirilməsini istəyir.
Tarix
2015.06.29 / 11:12
|
Müəllif
Şəmsəddin Ənsar
|