Axar.az
Yuxarı

Axar.Az Logo

İdman zallarına dair metodik göstərişlər açıqlandı

Ana səhifə Toplum
12 Punto 14 Punto 16 Punto 18 Punto

Səhiyyə nazirinin müavini idman və sağlamlıq-bərpa obyektlərində koronavirus infeksiyasının (COVİD-19) idarə olunmasına dair metodiki göstərişlər sənədini imzalayıb.

Axar.az xəbər verir ki, sənəddə deyilir:

- İdman və sağlamlıq-bərpa obyektlərinin fəaliyyətinə (bundan sonra “idman obyektləri”) orada çalışan işçi heyətin ən azı 80%-nin “peyvənd sertifikatı”na və ya “immunitet sertifikatı”na malik olması halında icazə verilməsi (1 iyul 2021-ci il tarixindən etibarən);

- İdman obyektlərində hazırkı Metodiki Göstərişlərə əməl edilməsinə nəzarət üçün cavabdeh əməkdaşın təyin edilməsi;

- İdman obyektlərinin ümumi istifadə yerlərində (holl, qeydiyyat masası və s.) işarələr qoyulmaqla insanlar arasında 1,5 metrdən az olmayan sosial məsafənin təmin olunması;

- Əməkdaşların birdəfəlik maska (hər üç saatdan bir və islandıqca dəyişdirilməsi ilə) yaxud filtrli maskalarla, əlcəklə, dezinfeksiyaedici salfetka, əl dezinfektantları ilə fasiləsiz təmin olunması;

- İdman avadanlıqları arasında 1,5 metr məsafənin təmin olunması;

- İdman zallarında hər istifadəçi üçün minimum 4 kvadratmetr sahənin nəzərdə tutulması;

- Məşqçi heyətin yalnız məşq vaxtı istisna olmaqla maskadan istifadə etməsi;

- İdman obyektlərində qidalanmanın COVID-19 pandemiyası dövründə ictimai-iaşə müəssisələrinə şamil edilən norma və qaydalara uyğun həyata keçirilməsi;

- İdman obyektlərinə yalnız “peyvənd sertifikatı” və ya “immunitet sertifikatı”nın eTabib mobil tətbiqi vasitəsilə yüklənmiş elektron və ya çap edilmiş nüsxəsini təqdim edən istifadəçilərin girişinə icazə verilməsi;

- yalnız təbii və ya texniki havalandırma sisteminə malik olan idman obyektlərinin fəaliyyətinə icazə verilməsi;

- İdman obyektlərinin girişlərinin təmassız termometrlərlə təmin edilməsi, əməkdaşların iş günü ərzində 2 dəfə (səhər və işin sonunda), istifadəçilərin isə giriş zamanı hərarətlərinin ölçülməsi, simptomlu (hərarətin yüksəlməsi, öskürək, zökəm, nəfəs darlığı, ishal və s.) olanların içəri buraxılmaması və tibb məntəqəsinin əməkdaşlarına bildirməsi;

- İdman obyektlərinin girişlərində və əlçatan zonalarda əl dezinfektantları üçün nəzərdə tutulmuş dispenserlərin yerləşdirilməsi, əməkdaşların və istifadəçilərin onlardan mütəmadi olaraq istifadə etməyə təşviq edilməsi;

- İş gününün sonunda və hər məşq prosesindən sonra növbəti istifadəçi və ya qrup daxil olmazdan əvvəl havalandırmanın həyata keçirilməsi;

- Sanitar-məişət otaqlarının (sanitar qovşaq, soyunub-geyinmə otağı və s.) sanitar gigiyenik qaydalara uyğun, işlək və təmiz vəziyyətdə saxlanılması, əl dezinfektantları, sabun, birdəfəlik əl dəsmalları və digər gigiyenik vasitələr ilə fasiləsiz təmin olunması;

- Təmizlik vasitələri və dezinfeksiyaedici maddələrin fasiləsiz təmin edilməsi;

- İşçi heyətin mütəmadi olaraq maarifləndirilməsi, həmçinin infeksiyanın yayılmasının qarşısının alınması ilə bağlı ən son məlumatlara sahib olması;

- Tullantıların vaxtında kənarlaşdırılması, həmçinin tullantı qablarının təmiz saxlanılması;

- İdman obyektlərinin giriş-çıxış zonalarında və digər görünən yerlərdə COVİD-19 infeksiyasının profilaktikası ilə bağlı məlumat lövhələrinin yerləşdirilməsi.

Tarix
2021.06.16 / 19:15
Müəllif
Axar.az
Şərhlər
Digər xəbərlər

Samuxda toy qaydalarını pozanlar cərimələndi

Ağcabədidə narkotik satanlar saxlanıldı

Sabiq hakimin dələduzluq işi: Pullar nazir müavinindədir

Bitki mənşəli virusların yayılması ilə bağlı xəbərdarlıq

Kamran Əliyev icra başçısının oğluna vəzifə verib? - Açıqlama

Bəy evini bəzəməyə gedən qohumlar qəzaya düşdü: ölən var

Azərbaycanda peyvənd olunanların sayı açıqlandı

Nazir müharibədə iştirak etmiş jurnalistə vəzifə verdi

Bu gün neçə nəfər koronaya yoluxub?

Daşkəsəndə 60 yaşlı qadını it parçaladı, vəziyyəti ağırdır

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla