“28 May” metrostansiyasındakı sərnişin platformasında monitorların səhv işləməsi sərinişinlərdə çaşqınlıq yaradıb.

Bu barədə Axar.az-a vətəndaşlar məlumat veriblər.

Onların sözlərinə görə, “Dərnəgül”ə getmək istəyən sərinişinlər monitorun səhv işləməsi səbəbindən “İçərişəhər”ə gedən qatara, “İçərişəhər”ə getmək istəyən sərinişinlər isə “Dərnəgül” qatarına miniblər. 30 dəqiqəyə yaxın davam edən problem sərinişinlərdə çaşqınlıq yaradıb.

Məsələ ilə bağlı saytımıza açıqlama verən Bakı Metropoliteni QSC-nin mətbuat xidmətinin rəhbəri Bəxtiyar Məmmədov bildirib ki, monitorlardakı problem proqram yenilənməsi səbəbindən baş verib.

“Qısa müddətdə yüklənmə zamanı belə hal baş verib. Platformada növbətçilər tərəfindən sərnişinlərə müvafiq elanlar verilib. Müvafiq qaydalar da məhz bunu tələb edir”, - B.Məmmədov deyib.