Səbail rayonunda "Narkotiklərlə mübarizə günü"nə həsr olunmuş dəyirmi masa keçirilib.

Axar.az-a verilən xəbərə görə, tədbir Səbail rayon İcra Hakimiyyəti tərəfindən təşkil olunub. Müzakirələrdə Bakı şəhər və Səbail rayon Gənclər və İdman idarələri, rayon Polis İdarəsi Yetkinlik Yaşına Çatmayanlarla İşin Təşkili və Narkotiklərlə Mübarizə Bölmələri, Bakı şəhər Narkoloji dispanseri, yerli bələdiyyələrin və gənclərin nümayəndələri iştirak ediblər.

Səbail rayon Gənclər və İdman İdarəsinin rəisi Vüqar Mürsəlov narkomaniya və onun fəsadları barədə danışıb. İdarə rəisi qeyd edib ki, "ağ ölüm"ə qarşı həyata keçirilən genişmiqyaslı tədbirlərdə əsas məqsəd gənclərin bu bəladan uzaqlaşdırılmasıdır.