"AAAF Park" Yaşayış Kompleksi Ramazan ayı münasibətilə yeni kampaniyaya start verib.

Axar.az xəbər verir ki, kampaniyanın şərtlərinə görə, iyul ayının 18-nə qədər hər bir Azərbaycan vətəndaşı ilkin ödənişsiz, 60 aylıq ödəmə şərtləri ilə mənzil əldə edə bilər.

Yeni şərtlərə əsasən ev almaq üçün sadəcə şəxsiyyət vəsiqəsi ilə "AAAF Park" Yaşayış Kompleksinin Satış Şöbəsinə yaxınlaşmaq kifayətdir.

Xatırladaq ki, aprel ayından etibarən "AAAF Park" Yaşayış Kompleksində ev almaq üçün heç bir banka müraciət etmədən, şirkətin daxili rəsmiləşdirmə qaydaları ilə mənzil almaq imkanı yaradılmışdı. Bu qaydalara əsasən, 15 illik ödəmə şərti ilə mənzil əldə etmək istəyən şəxs mənzilin dəyərinin 10%-ini öncədən ödəməli, yaranan borc məbləğini isə 15 ilə böldürərək mənzil sahibi ola bilərdi.

Ramazan kampaniyası isə alıcılara "ilkin ödəniş etmədən" mənzil sahibi olma imkanı yaradır.

Məsələn: 28.7 m² olan 1 otaqlı mənzilin dəyəri 5 illik daxili ödəmə şərtləri ilə 22 960 manat müəyyən edilir və məbləğ 60 aya bölünür. Müqavilə imzalandığı zaman 1% rəsmiləşdirmə xərci – 230 manat, borc məbləği isə 60 aya bölünərək, ayda 383 manat müəyyənləşdirilir.