Sosial sığorta şəhadətnaməsi ləğv olunur. Bəs bu sənəddəki məlumatlar harda əks olunacaq və vətəndaşlar, eləcə də aidiyyəti qurum bu informasiyanı necə əldə edəcək?

Axar.az "XəzərXəbər"ə istinadən xəbər verir ki, DSMF-nin İctimaiyyətlə əlaqələr departamentinin müdiri Rəşad Mehdili həmin şəhadətnaməyə dair müddəaların qanunvericilik aktlarından çıxarıldığını bildirib.

Rəşad Mehdili deyib ki, elektron bazada sosial sığorta şəhadətnaməsinin məlumatları yerləşdirilib.

Əhalinin Sosial Müdafiəsi Nazirliyi tərəfindən yaradılan "e-sosial" internet portalı vətəndaşlara əmək müqaviləsi, fərdi uçot, pensiya kapitalı, sosial təminat növləri, ödənilmiş məcburi dövlət sosial sığorta haqları ilə bağlı məlumatları və s. sahələr üzrə mütəmadi olaraq yenilənən məlumatları istənilən vaxt asanlıqla əldə edə bilmək imkanı verir.