Baş Dövlət Yol Polisi İdarəsi (BDYPİ) sosial şəbəkələrdə Abşeron rayonu, Novxanı qəsəbəsində yol polisi əməkdaşının sürücüdən rüşvət alması iddiası ilə bağlı yayılan görüntülərə münasibət bildirib.

Axar.az-ın məlumatına görə, idarənin İctimai qurumlarla əlaqə şöbəsinin rəisi, polis polkovnik-leytenatı Namidan Piriyev Report-un sorğusuna cavab olaraq bildirib ki, hazırda həmin məsələ ilə bağlı xidməti yoxlama aparılır.

“Araşdırmanın nəticəsindən aslı olaraq hüquqi qiymət veriləcək”, - N.Piriyev açıqlamasında qeyd edib.

Xatırladaq ki, sosial şəbəkələrdə Abşeron rayonu, Novxanı qəsəbəsi ərazisində yol polisi əməkdaşı qaydaları pozan avtomobil sürücüsünü saxlayaraq ondan rüşvət aldığı iddia edilir.