Bakının Nərimanov rayonunun Molla Cümə küçəsində dəhşətli hadisə baş verib.

Hadisə şahidlərinin Axar.az-a verdiyi məlumata görə, M.Cümə küçəsində, yeni tikilən ASAN Xidmət binasının önündəki yol ayrıcında iki sürücünün bir-birinə yol verməməsi gərginlik yaradıb.

Belə ki, 45 yaşlı Səxavət Məmmədov Azərbaycan Avtomobil Federasiyasına məxsus "Mersedes" markalı yük avtomobili ilə hərəkətdə olan zaman 90 FZ 409 dövlət qeydiyyat nişanlı "Şevrolet" markalı avtomobilin sürücüsü onun qarşısını kəsib. Bu zaman "Şevrolet"in sürücüsü və sərnişini maşından düşərək S.Məmmədova yaxınlaşıb və onlardan biri S.Məmmədova yumruqla zərbə endirib. Yumruğun təsirindən S.Məmmədov yerindəcə keçinib.

Hadisə yerinə polis və təcili yardım cəlb edilib.

Qətlə səbəb olan gənc və dostları isə maşınlarını hadisə yerində ataraq, qaçıblar. Polisin keçirdiyi əməliyyat zamanı Nahid Cəbiyev qətldə şübhəli bilinərək saxlanılıb.