Astara rayonunda 16 yaşlı qızı 30 yaşlı oğlanla nişanlayırlar.

Axar.az xəbər verir ki, bu barədə “Azərbaycan Uşaqları” İctimai Birliyinin sədri Kəmalə Ağazadə Feysbukda qeyd edib.

K.Ağazadə bildirib ki, nişan bu gün saat 14:00-da baş tutacaq:

"Məndə olan məlumata görə, saat 2-də nişandır. 16 yaşı hələ tamam olmayan (olsa nə olacaq ki...) Astara rayonunun Rüdəkənar kəndinin sakini, 30.07.2005-ci il təvəllüdlü Sumayyə Məmmədovanın 30 yaşlı Lənkəran sakini İsmayıl adlı şəxslə nişanı olacaq. Deyilənə görə, sabah qız toyudur. Kəndin icra nümayəndəsi isə deyəsən məclisə çağırılmayıb, heç nədən xəbəri yoxdur. Qurban bayramında 16 yaşlı azyaşlını qurban deməzlər. İndi məsələ ictimailəşdikdən sonra açıqlama verəcəklər ki, vallah ad edirik, toyunu yaşı tamam olanda edəcəyik”.