Mingəçevir Şəhər Polis Şöbəsinin əməkdaşları qanunsuz saxlanılan odlu silah-sursatın aşkarlanaraq götürülməsi istiqamətində uğurlu əməliyyat tədbiri həyata keçiriblər.

Daxili İşlər Nazirliyinin Mətbuat xidmətindən Axar.az-a bildiriblər ki, şəhər sakini Xətai Rüstəmovun qanunsuz odlu silah gizlətməsi barədə polis şöbəsinə əməliyyat məlumatı daxil olub. Keçirilən təxirəsalınmaz tədbirlər nəticəsində həmin şəxs özünə məxsus “Niva” markalı avtomobillə şəhər ərazisində hərəkətdə olarkən saxlanılıb. Onun idarə etdiyi avtomobilə baxış keçirilərkən lüləsi və qundağı kəsilmiş ov tüfəngi aşkarlanaraq götürülüb.

Faktla bağlı cinayət işi başlanıb, əməliyyat-istintaq tədbirləri davam etdirilir.