Ötən gün bıçaqlanan Mirzə Mirzəyev və komendant Şahlar Bəgalıyevin vəziyyətləri qənaətbəxşdir. Hər iki şəxs Respublika Klinik xəstəxanasında müalicələrini davam etdirirlər. Hazırda özlərini yaxşı hiss edirlər.

Axar.az xəbər verir ki, bu barədə BDU-nun mətbuat katibi Günel Orucəliyeva məlumat yayıb.

"Universitetin təsərrüfat şöbəsinin işçisi İsmixan Mirzəyevin hansı səbəbdən bu əməli törətdiyi hələ ki, məlum deyil. Bununla bağlı hüquq-mühafizə orqanlarında araşdırma aparılır", - deyə o bildirib.

Qeyd edək ki, dünən Bakı Dövlət Universitetinin əsas korpusunda BDU rektorunun maliyyə məsələləri üzrə müşaviri Mirzə Mirzəyev və komendant Şahlar Bəgalıyev Universitetin təsərrüfat şöbəsinin işçisi İsmixan Mirzəyev tərəfindən bıçaqlanıb. İlkin ehtimala görə, buna səbəb onunla bağlanan əmək müqaviləsinin müddətinin uzadılmaması olub.