Qardaş Türkiyədə orman yanğınlarında zərər görmüş yaşıllıqları bir an öncə bərpa etmək, təbiətin və insanların yaralarını sarmaq adına operativ addım atan bütun konül dostlarını, insansevərləri, təbiətsevərləri və əlbəttə, türkiyəsevərləri alqışlayıram.

Axar.az xəbər verir ki, bu sözləri millət vəkili Qənirə Paşayeva Türkiyədə meşə yanğınları nəticəsində məhv olan ağacların əvəzinə yenilərinin əkilməsində iştirak etmək istəyən azərbaycanlıların bununla bağlı sosial şəbəkədə başlatdığı kampaniyalar haqda qeyd edib.

“Biz də TEMA Vəqfi üzərindən 500, ÖGEM Vəqfi üzərindən 100 fidan bağışlayaraq, bu işə öz dəstəyimizi ifadə etdik.

Bütün dostlarımı, türk dünyası sevdalılarını Türkiyəyə mumkün dəstəyə, o cümlədən fidan bağışlamağa cağırıram”, - Komitə sədri qeyd edib.