Bakı Beynəlxalq Dəniz Ticarət Limanı Avropa İttifaqının (Aİ) yaxın illərdə reallaşdıracağı flaqman layihənin tərkib hissəsi olacaq.

Axar.az xəbər verir ki, bunu Trend-ə Aİ-nin Azərbaycandakı nümayəndəliyinin əməkdaşlıq şöbəsinin rəhbəri Viktor Bojkov deyib.

Onun sözlərinə görə, Aİ Bakı limanının fəaliyyətinin rəqəmsallaşdırılmasını, onun ekoloji təmiz zonaya çevrilməsini hədəfləyir:

"2021-ci ilin dekabrında "Şərq tərəfdaşlığı" ölkələrinin zirvə görüşü keçiriləcək. Bu görüş zamanı bizim təkliflərimiz səsləndiriləcək. Azərbaycan üzrə təklifi biz hökumətlə birgə hazırlayacağıq. Bu görüşdən sonra investisiya layihəsinin reallaşdırılmasına başlayacağıq".