Cəlilabad rayonunun Buravar kəndinin qaz problemi illərdir davam edir. Kənd əhalisi məcburiyyətdən ətraf ərazidə yerləşən meşə zolağındakı ağacları kəsib odun kimi istifadə edir.

Bu barədə Axar.az-a Buravar kənd sakinləri məlumat veriblər.

Məlumatda qeyd olunub ki, atıq kənd ətrafında meşə sahəsi məhv olmaq üzrədir, ağacların yerində kol-kos qalıb.

Məsələ ilə bağlı saytımıza “Azəriqaz” İstehsalat Birliyi tərəfindən verilən açıqlamada bildirilib ki, 2023-cü ilə qədər bütün yaşayış məntəqələrinin qazlaşdırılması nəzərdə tutulub:

“Buravar kəndinin də qazlaşdırılması istisna deyil. Hətta böyük ehtimalla gələn ilin ilk rübündə həmin kənd qazlaşdırılacaq”.