Paytaxt bazarlarında pomidorun qiyməti bahalaşıb. Aidiyyəti qurumlar bu artımın tələb və təkliflə əlaqəli olduğunu bildirir.

Axar.az "Xəzər xəbər"ə istinadən xəbər verir ki, hələ açıq sahələrdən yığımı yekunlaşmayan bu tərəvəzin yerində qiyməti çox ucuz, paytaxtda isə bahadır.

Bakıda topdansatışda 32 kiloqramlıq yeşiyi 50 manata satılan pomidor rayonlarda eyni çəkidə 20 manata satılır.

Ekspertlər isə hesab edir ki, bu artımın əsas səbəbi pomidor ixracının artmasıdır.

Kənd Təsərrüfatı Nazirliyindən bildirilib ki, bazarlardakı qiymətlər tələb və təklifdən asılı olaraq dəyişir. Satıcılar qiymətlərin önümüzdəki günlərdə sabitləşəcəyini deyir.