Azərbaycanlı qardaşlarımızın qəlbindəki 30 illik kədəri böyük sevincə çevirən prosesin qaynağının alovlandığı günün adı 27 sentyabrdır. Ermənistanın qanunsuz işğalına cavab olaraq qardaş Azərbaycan beynəlxalq hüquqdan irəli gələn qanuni haqlarını istifadə edərək əməliyyata başladı.

Axar.az xəbər verir ki, bunu Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun Tvitter hesabında yazıb.

“Ordusu və xalqı ilə birlikdə çox qısa zamanda böyük bir dastan yazan və Qarabağı azad edən qardaş Azərbaycanı və xalqını təbrik edirəm. 84 milyon olaraq ortaq tarixi və dəyərləri paylaşdığımız Azərbaycanın sevincini paylaşırıq”, - deyə Altun bildirib.