Sentyabrın 30-dan Dövlət Yol Polisi (DYP) və Dövlət Avtomobil Nəqliyyatı Xidməti (DANX) arasında imzalanan razılaşdırılma sənədinə əsasən, avtomobil nəqliyyatı ilə daşımalarda təhlükəsizliyin təmin olunması, iş və istirahət rejiminə əməl edilməsi, xüsusilə qeyri-qanuni fəaliyyət göstərən avtonəqliyyat vasitələrinin sürücülərinə qarşı mübarizənin gücləndirilməsi məqsədilə tədbirlər həyata keçirilir.

Axar.az xəbər verir ki, qeyri-qanuni daşımaların qarşısını almaq üçün DANX və DYP birgə tədbirə başlayıb. Yalnız paytaxtda yox, eyni zamanda, Azərbaycanın bütün regionlarında da qeyri-qanuni daşımalarla bağlı tədbirlər həyata keçirilməsi nəzərdə tutulub.

İlkin şəkildə bu gün Qaradağ və Zarat postunda bu tədbir keçirilib. Bununla bağlı qanunvericiliyə uyğun cəza tədbiri nəzərdə tutulub. Qeyri-qanuni daşımalarla bağlı sərt tədbirlər növbəti 3 ayda da davam edəcək.