Azərbaycanın Müstəqilliyinin Bərpasının 30-cu ildönümü ərazi bütövlüyünün bərpası ilə əldə etdiyi Zəfərlə tam başqa bir məna daşıyır.

Axar.az xəbər verir ki, bunu Türkiyənin Gürcüstandakı səfiri Fatma Ceren Yazqan jurnalistlərə açıqlamasında deyib.

Onun sözlərinə görə, Türkiyə güclənən Azərbaycanla qürur duyur:

“Azərbaycanın müstəqilliyinin təməlində dövlət və millət quruculuğu dayanır, onu qoruyub saxlamaq çətin vəzifədir. Müstəqillik yolunda addımlamaq qarşıya çıxan maneələrlə mübarizə deməkdir. Müstəqillik və rifah üçün xalqına qürurlu həyat bəxş edən dövlət güclü dövlətdir. Azərbaycanı ürəkdən və böyük sevgi ilə təbrik edirəm”.