Azərbaycanda dövlət sosial sığorta haqları üzrə daxilolmalar 8,1% artıb.

Axar.az xəbər verir ki, bunu Milli Məclisdə çıxışı zamanı iqtisadiyyat nazirinin müavini Sevinc Həsənova bildirib.

O əlavə edib ki, BMT-in Ərzaq və Kənd Təsərrüfatı Təşkilatının (FAO) açıqlamasına görə, dünyada qiymət səviyyəsi son 30 ildə ən yüksək səviyyəyə çatıb. Bunun nəticəsində də ölkəyə idxal olunan məhsulların qiymətində artım müşahidə olunmaqdadır. Bu da inflyasiya səviyyəsinə ən çox təsir edən amildir.

Nazir müavini bildirib ki, hazırda idxal indeksi 23%-i keçib:

“Hətta hazır qida məhsulları idxal qiymətləri indeksi 25%-i ötüb. Növbəti ildə inflyasiyanın səngiməsi gözlənilir. İqtisadiyyat Nazirliyi tərəfindən növbəti ildə qiymətlərin cari ildə olduğu kimi yüksək artımı proqnozlaşdırılmır. İnflyasiyanın aşağı səviyyədə saxlanılması üçün əsas amillərdən biri makroiqtisadi sabitliyin təmin olunmasıdır”.