Ana səhifə Toplum |
Ötən gündən etibarən Xətai rayonu Zığ yolu hissəsinə istiliyin verilməsi dayandırılıb.
Bu barədə Axar.az-a həmin ərazidə yaşayan sakinlər məlumat verib.
“Azəristiliktəchizat”ın şöbə rəisi Rafiq Əliyev saytımıza bunun magistral istilik xəttində baş verən növbəti qəza ilə bağlı olduğunu bildirib.
“Hazırda bununla bağlı işlər gedir. Yaxın 2-3 saat ərzində istilik veriləcək. Bu ərazidə tez-tez istilik kəmərlərində problem yaşanır. Bunun səbəbi isə magistral kəmərlərin keçdiyi ərazidə çox sayda həyət evlərinin olmasıdır. Bu, təmir işlərinin aparılmasına bir sıra problemlər yaradır”, - şöbə rəisi bildirib.
Qeyd edək ki, Xətai rayonunun sabiq başçısının magistral qaz, su, kanalizasiya və istilik xətlərinin ərazisini, eyni zamanda yüksək gərginlikli elektrik xətlərinin altını satması dəfələrlə gündəmə gəlib. Hətta magistral su xəttində baş verən qəza zamanı “Azərsu” fərdi yaşayış evinin bir hissəsini sökməyə məcbur olmuşdu.
Tarix
2021.11.30 / 15:11
|
Müəllif
Aytəkin Qardaşova
|