Qarabağ hər birimizin ürəyində, düşüncəsindədir. Qarabağı düşünmədən, Qarabağda olub-bitəni bilmədən burada danışa bilmərik.

Axar.az xəbər verir ki, bunu türk əsilli ABŞ alimi, Kimya üzrə Nobel mükafatı laureatı Əziz Səncər UNEC İqtisadi Forumunda çıxışı zamanı deyib.

O bildirib ki, Qarabağ zəfəri ilə Azərbaycan bir çox şey bacardı:

“Azərbaycan qələbəsi ilə bu həqiqəti ortaya qoydu: Azadlıq verilməz, Azadlıq qazanılır. Torpaq verilməz, torpağı qazanarsan!

Türk dünyasında Türkiyə istiqlal müharibəsindən sonra Qarabağ müharibəsi dünyaya bu mesajı verdi: Artıq torpağımızı ala bilməzsiniz, torpağımızı özümüz alacağıq və bunu etdik!

Artıq imperializm dövrü bitib. Bu, 19-cu əsr məntiqidir. 21-ci əsrdə başqa ölkənin vətənini, yurdunu işğal edib, başqa dünyaya qəbul etdirə bilməzsiniz. Azərbaycanlı qardaşlarımız bunu etməklə bütün dünyaya dərs verdi”.