Mənim həyatım boyu türk dünyası sevgim olub və bu həmişə mənim üçün güc qaynağı olub. Türkiyə, Azərbaycan, bütün türk dünyasına vəfa borcu, sevgisim olmadan, elm adamı ola bilmərəm.

Axar.az xəbər verir ki, bunu türk əsilli ABŞ alimi, Kimya üzrə Nobel mükafatı laureatı Əziz Səncər UNEC İqtisadi Forumunda çıxışı zamanı deyib.

O bildirib ki, bu gün qazandığı uğurların mərkəzində türk dünyasına olan sevgisi dayanır:

“2017-ci ildə Azərbaycana gəlmişdim. Orada Rasim Şərifov sual-cavabda mənimlə söhbətləşdi. Dedi ki, bugünkü xəyalın nədir? Təbii ki, o məndən elmi cavab gözləyirdi. Dedim ki, mən türk dünyasının birliyini görmək istəyirəm. Bu mənim ən böyük xəyalımdır. Bilmirəm, türk dünyası birliyini görə biləcəm, ya yox. Bu mənim uşaqlıq arzumdur".