Ana səhifə Toplum |
MM Mədəniyyət Komitəsinin sədri Q.Paşayeva Aşıq Ələsgərin 200 illik yubileyi münasibəti ilə TÜRKSOY-da keçirilən tədbirdə geniş məruzə ilə çıxış edib.
Milli Məclisinin Mədəniyyət Komitəsinin sədri Qənirə Paşayeva Aşıq Ələsgərin 200 illik yubileyi münasibəti ilə TÜRKSOY-da keçirilən mərasimdə, o cümlədən “Aşıq Ələsgərin seçilmiş şeirləri” kitabının təqdimat mərasimində çıxış edib.
Axar.az xəbər verir ki, TÜRKSOY Mərkəzi Qərargahında keçirilən tədbirin rəsmi hissəsində çıxış edən Qənirə Paşayeva 2021-ci ildə Azərbaycan aşıq sənətinin klassiki, qüdrətli söz ustadı Aşıq Ələsgərin anadan olmasının 200 illiyi ilə bağlı Azərbaycan Prezidentinin Sərəncamından irəli gələn vəzifələr çərçivəsində görülən işləri yüksək dəyərləndirib.
Aşıq Ələsgər yaradıcılığının önəmi, söz və saz sənatkarının fəaliyyətinin araşdırılması, Azərbaycanda Aşıq Ələsgər yaradıcılığına, ümumən aşıq sənətinə və onun inkişafına göstərilən diqqət və qayğıdan söz açan Komitə sədri Aşıq Ələsgər yaradıcılığının türk dünyasında daha geniş tanıdılmasının vacibliyinə toxunulub.
Komitə sədri Dədə Ələsgərin Göyçədə erməni işğalında qalan məzarından da danışıb. O deyib ki, Göyçədə, Zəngəzurda, İrəvandakı tarixi abidələrimiz, qəbirlərimiz Qarabağda olduğundan daha betər erməni vandallığına məruz qalıb.
Q.Paşayeva çıxışının sonunda xalq rəssamı Arif Hüseynovun Aşıq Ələsgərin 200 illik yubileyinə həsr olunmuş "Azərbaycan aşıq sənəti" adlı sərgidə nümayiş olunan və aldığı əsərlərdən birini - Aşıq Ələsgərin miniatür portretini TÜRKSOY-a bağışlayıb.
Tarix
2021.12.01 / 14:18
|
Müəllif
Axar.az
|