Ötən gündən Bakının Xətai rayonunda istiliyin verilməsi dayandırılıb.

Bu barədə Axar.az-a sakinlər məlumat veriblər.

“Azəristiliktəchizat”dan sakinlərə mərkəzi xətlərdən birində növbəti qəza baş verdiyi bildirilib. Qəzanın dərhal aradan qaldırılacağı və ötən gün axşam saatlarından istiliyin verilməsinin bərpa ediləcəyi vəd edilsə də, hələ də istilik yoxdur.

Qeyd edək ki, havalar soyuyan kimi “Azəristiliktəchizat” ASC-nin boruları partlayası olur və qəzanın aradan qaldırılması nədənsə günlərlə çəkir.

Xatırladaq ki, “Azəristiliy”in bu il də bütün borclarını dövlət öz üzərinə götürdü. Bu qurumun gördüyü iş isə qeyri-şəffaf tenderlərdir.

Quruma yarandığı gündən – 2005-ci ildən Yaşar Həsənov rəhbərlik edir.