17:58

Bakının Nəriman Nərimanov rayonunda bu gün günortadan etibarən sular kəsilib.

Bu barədə Axar.az-a ərazidə yaşayan sakinlər məlumat veriblər.

Azərsu ASC-nin mətbuat katibi Anar Cəbrayıllı saytımıza açıqlamasında bildirib ki, Ceyranbatan-Binəqədi magistral su xəttinin Biləcəri qəsəbəsindən keçən hissəsində baş vermiş qəzanın aradan qaldırılması ilə əlaqədar Nərimanov rayonunun bir hissəsinə içməli suyun verilməsində məhdudiyyətlər yaranıb:

"Hazırda qəza briqadaları hadisə yerində işləyir və günün sonuna qədər problem aradan qaldırılacaq. Yaranmış narahatlıqla bağlı üzr istəyirik".