Azərbaycanda bu gün 32 276 nəfər vaksinasiya olunub.

Axar.az xəbər verir ki, bu barədə Nazirlər Kabineti yanında Operativ Qərargah məlumat yayıb.

Gün ərzində birinci mərhələ üzrə vaksinasiya olunanların sayı 2 457, ikinci mərhələ üzrə vaksinasiya olunanların sayı 1 632 nəfər təşkil edib.

Ölkədə buster doza vaksinlərin sayına gəlincə, bu göstərici 28 187-dir.

Azərbaycanda bu günə qədər vurulan vaksinlərin ümumi sayı 12 218 279, birinci mərhələ üzrə peyvənd olunanların ümumi sayı 5 248 382, ikinci mərhələ üzrə vaksinasiya edilənlərin sayı 4 752 395 nəfər təşkil edir.

Ümumilikdə isə 2 217 778 buster doza vurulub.