Bakı-Sumqayıt şossesi üzərindən yerüstü piyada keçidi tikiləcək.

Axar.az xəbər verir ki, bu sözləri "Bakı Metropoliteni" QSC-nin İctimaiyyətlə əlaqələr şöbəsinin rəhbəri Nəsimi Paşayev deyib. Bu barədə "sputnik.az"a danışan N.Paşayevin sözlərinə görə, piyada keçidi "Avtovağzal" metro stansiyasına gediş-gəlişi asanlaşdırmaq üçün nəzərdə tutulub:

"Artıq piyada keçidinin tikintisi üçün hazırlıq işlərinə başlanılıb və fundament qazılıb. Biz çalışırıq ki, ilin sonunadək bütün işləri yekunlaşdıraq. Çünki metroda tikinti işləri yekunlaşsa da, orada avadanlıqların quraşdırlması, abadlıq işlərinin görülməsi və sərnişinlərin rahat və təhlükəsiz hərəkətini təmin etmək məsələsi vaxt aparan məsələdir".

Onun sözlərinə görə, səhmdar cəmiyyəti "Avtovağzal" və "MemarƏcəmi-2" stansiyaları üzrə işləri qısa zamanda bitirib, eyni vaxtda təhvil verilməsini təmin etməyə çalışır.