Azərbaycanda bir çox ilklərə imza atan və yeni jurnalist nəslinin yetişməsində rol alan tanınmış jurnalist Rauf Ağayevin ad günüdür.

1958-ci il sentyabrın 2-də anadan olan R.Ağayev Bakı Dövlət Universitetinin Jurnalistika fakültəsini bitirib. Müəllimi, məşhur jurnalist Nəsir İmamquliyevin rəhbəri olduğu "Bakı"-"Baku" qəzetində fəaliyyətə başlayan gənc jurnalist qısa müddətdə imzasını tanıdıb.

Azərbaycanda ilk müstəqil jurnalistlər ittifaqının qurucusu, ilk böyük tirajlı pulsuz qəzetin naşiri kimi tanınır. 1992-ci ildən "Aydınlıq" qəzeti ilə əməkdaşlıq edən R.Ağayev 1995-ci ildə "Xalq qəzeti"nin baş redaktor müavini olub. Azərbaycanda ilk dəfə bazar günü dərc edilən və satışa çıxan qəzetin – "Xalq qəzeti"nin "Bazar əlavəsi"nin ideya müəllifi və redaktoru kimi çalışıb.

Daha sonra Azərbaycan Beynəlxalq Bankının mətbuat katibi olan R.Ağayev bir neçə ay əvvəl vəzifəsindən istefa verib.

Axar.az kollektivi ustad jurnalisti təbrik edir və oğlu, gənc yazar Məmməd Ağayevin atasının ad gününə hazırladığı video-slaydı təqdim edir: