Təhsil Nazirliyi ibtidai sinif müəllimləri üçün ixtisasartırma kursları təşkil edib.

Nazirlikdən Axar.az-a verilən məlumata görə, ixtisasartırma kursları YUNİSEF-in maliyyə dəstəyi ilə "İnkişaf" Elmi-Praktik Mərkəzi tərəfindən həyata keçirilib.

Seçilmiş müəllimlər üçün 132 saatlıq kurs müəyyən edilib. İlk növbədə kurslara IV siniflərdə dərs deyən 114 nəfər müəllim cəlb olunub. Paytaxtın ətraf yaşayış məntəqələrində yerləşən məktəblərdə çalışan müəllimlərin iştirak etdiyi kurslar 5 təlim mərkəzində keçirilib.

Almaniyadan dəvət edilmiş praktik psixoloq Qalina Heynzelman müdavimlərlə görüşüb və onları maraqlandıran sualları cavablandırıb.

İxtisasartırma kursunun yekununda müdavimlərin qiymətləndirilməsi aparılıb. Ümumilikdə, 114 nəfər müdavimdən 113-ü qiymətləndirmədə iştirak edib, onlardan 65 nəfəri yaxşı nəticə göstərib.