Daxili İşlər Nazirliyi 7 aylıq qızını da götürərək evdən qaçan ana ilə bağlı məlumat yayıb.

DİN-dən Axar.az-a verilən məlumata görə, Salyan rayonunun I Varlı kənd sakini Aslan Əsədov 27.08.2015-ci il tarixdə Rayon Polis Şöbəsinə ərizə ilə müraciət edib. O, müraciətində bildirib ki, həyat yoldaşı, 02.06.1994-cü il təvəllüdlü Xanpəri Hüseynova azyaşlı qızı 13.02.2015-ci ildə anadan olmuş Nuray Əsədovanı da götürərək avqustun 23-də saat 15.00-16.00-da evdən çıxıb. Məlumata görə, o, evdən çıxarkən özü ilə şəxsiyyət vəsiqəsini və uşağa aid geyim əşyalarını da götürüb.

Xanpəri Hüseynovanın xarakterik əlamətləri aşağıdakılardır:

Boyu təqribən 175 santimetr, orta bədən quruluşludur. Qara uzun saçlı, yumru sifətli, qara qalın qaşlı, gözlərinin rəngi qəhvəyidir, çənəsində qara xalı var. Əynində qara rəngli yubka və qara yay köynəyi, ayağında isə sabo olub.

Xanpəri Hüseynovanı və qızı Nurayı görənlərdən və ya itkin düşmüş bu şəxslər haqda hər hansı məlumatı olanlardan DİN-in "102" Xidmətinə, (050) 974-65-02, (050) 341-49-64 nömrəli mobil və (021) 255-51-83 nömrəli telefonlara zəng vuraraq məlumat vermələri xahiş olunur.