Azərbaycan Dövlət Aqrar Universiteti bakalavrlara təqaüdündən əlavə 100 manat məbləğində pul verəcək.

Kənd Təsərrüfatı Nazirliyindən Axar.az-a verilən məlumata görə, nazirlik bununla əlaqədar müvafiq əmr izmalayıb. Əmrə görə, 250-dən çox bal toplayaraq ADAU-nun aqronomluq, zootexniklik və baytarlıq ixtisasları üzrə dövlət sifarişi əsasında qəbul olmuş tələbələrə aldıqları təqaüddən əlavə universitetin xüsusi vəsaitləri hesabına ayda 100 manat məbləğində vəsait veriləcək.

Əlavə vəsaitin ödənilməsi qış və yay imtahan sesiyalarında yüksək qiymətlər alan və universitetin ictimai-sosial həyatında fəal iştirak edən tələbələrə də şamil olunacaq.