11:46

Mərhum jurnalist Qadir İbrahimli ilə vida mərasimi keçirilib.

Axar.az xəbər verir ki, vida mərasimi mərhumun yaşadığı "Jurnalistlər binası"nın qarşısında baş tutub.

Mərasimdə mərhumun ailə üzvləri, jurnalistlər, ictimaiyyət nümayəndələri iştirak edib.

Onun nəşi daha sonra dəfn olunmaq üçün Lənkəran şəhərinə aparılacaq.

Qeyd edək ki, kəskin qaraciyər sirrozundan əziyyət çəkən jurnalist Qadir İbrahimli bu gün səhər saatlarında müalicə olunduğu xəstəxanada vəfat edib.

Mərhum kəskin qaraciyər sirrozu diaqnozu ilə mayın 18-də M.Mirqasımov adına Respublika Kliniki Xəstəxanasının Reanimasiya şöbəsinə yerləşdirilmişdi.

***

Bu gün dünyasını dəyişən tanınmış jurnalist Qadir İbrahimli dəfn olunub.

Mərhum Lənkəran şəhərində torpağa tapşırılıb.

Dəfn mərasimində onun yaxınları, mətbuat nümayəndələri iştirak edib.