Peyğəmbərlərə toxunmaq, onlar haqda pis söz danışmaq olmaz. Onlara söymək olmaz və söyən də kafirdir.

Axar.az xəbər verir ki, bu fikirləri Əbu Bəkr məscidinin imamı, sələfilərin lideri hacı Qamət Süleymanov deyib.

Hacı Qamət video çıxışında Peyğəmbərin Aişə ilə evlənməsində bəzi şübhələrə aydınlıq gətirərkən belə deyib.

"A24.az"ın hazırladığı materialda bildirilir ki, onun fikrincə, nəinki Məhəmməd peyğəmbəri, eləcə də İsanı, Nuhu söyən kafirdir.

Q.Süleymanov sonra sözlərini belə davam etdirib ki, Allahı söyən tövbə edirsə qəbul edilir: "Ancaq peyğəmbəri söyən tövbə eləsə də, öldürülməlidir. Nə üçün? Çünki Allah bağışlayandır".