Mən “məmləkətimiz” deyəndə həm Türkiyə, həm də Azərbaycanı nəzərdə tuturam.

Axar.az xəbər verir ki, bunu Nobel mükafatı laureatı, dünya şöhrətli alim, professor Əziz Səncər “Teknofest Azərbaycan” festivalında çıxışı zamanı deyib.

"Azərbaycan Xalq Cümhuriyyətinin yaranmasının 104-cü ildönümü ilə bağlı Azərbaycan və Türk dünyasını təbrik edirəm. Gənclər, sizlərə bir neçə əhəmiyyətli məsləhət verirəm. Mən "xərcəngə qarşı dərman tapa bilərəmmi?" - deyə fikirləşirdim. Gördüyünüz hər işin ən yaxşı olmasına çalışın. Ən yaxşısı ölkənizə və insanlığa yardım etməyə çalışın. Dürüst və ədalətli olun. Sevgili gənclər, məmləkətinizi sevməkdən usanmayın, yorulmayın, əl çəkməyin. Ölkənizin inkişafı üçün yorulmadan çalışın. Tanrı türkü qorusun!" - o vurğulayıb.