Xaçmaz rayonunda yol-nəqliyyat hadisəsi baş verib.

Axar.az Report-a istinadən xəbər verir ki, "Mersedes" markalı minik avtomobili Quba-Xaçmaz yolunun Bəyoba kəndi ərazisində hərəkətdə olarkən sürücü idarəetməni itirib, maşın yoldan çıxaraq ağaca çırpılıb.

Hadisə zamanı toya gələn Sumqayıt şəhər sakinləri 1964-cü il təvəllüdlü Əlimərdan Əliş oğlu Bağırov, 1968-ci il təvəllüdlü Rəisə Nadir qızı Cahangirova, 1990-cı il təvəllüdlü Zamin Əlimusa oğlu Abdullayev, 1995-ci il təvəllüdlü Lalə Əlimərdan qızı Abdullayeva müxtəlif dərəcəli bədən xəsarətləri alıblar.

Yaralılar Xaçmaz Rayon Mərkəzi Xəstəxanasına çatdırılıblar.

L.Abdullayevanın vəziyyəti ağır olduğundan həkimlərin səyinə baxmayaraq onun həyatını xilas etmək olmayıb.

Faktla bağlı araşdırma aparılır.