Bakı-Sumqayıt şossesində piyada keçidinin tikintisi ilə əlaqədar yolda nəqliyyat vasitələrinin hərəkətində sıxlıq yaranıb.

Nəqliyyatı İntellektual İdarəetmə Mərkəzindən Axar.az-a verilən məlumata görə, sıxlıq Bakı Beynəlxalq Avtovağzal Kompleksinin yaxınlığı, Sumqayıt şəhəri istiqamətində yaranıb. Tikinti işlərini aparan Körpü-Bina-Tikinti MMC tərəfindən bildirilib ki, piyada keçidinin tikintisi zamanı yolun bəzi zolaqları qısa müddət ərzində bağlı olacaq. Tikinti işləri 2 ay davam edəcək.

Sürücülərə alternativ olaraq Binəqədi şossesi və Rəşid İsmayılov küçələrindən istifadə etmələri tövsiyə olunur.