Hazırda Azərbaycanda qaza olan qiymətlərin dəyişdirilməsi məsələsi gündəmdə deyil.

Axar.az xəbər verir ki, bunu "Azəriqaz" İstehsalat Birliyinin (İB) Baş direktorunun satış üzrə direktoru Rəşad Cavadov "Açıq qapı" aksiyası çərçivəsində jurnalistlərə açıqlamasında bildirib.

Onun sözlərinə görə, qaza olan tariflərin dəyişdirilməsi məsələsinə qiyməti tənzimləyən Azərbaycan Respublikası Tarif Şurası tərəfindən baxılır və hazırda qiymətlərin dəyişdirilməsi məsələsi gündəmdə yoxdur.

Xatırladaq ki, avqust ayının 1-nə olan məlumata görə, "Azəriqaz” üzrə ümumi abonentlərin sayı 2 473 107 təşkil edib (əhali – 2 434 771 abonent, qeyri-əhali – 38 336 abonent).