Dövlət Təhlükəsizliyi Xidmətinin keçirdiyi əməliyyatla Naxçıvan MR-in daxili işlər naziri Rəşad İsmayılovun vəzifədən azad edildiyi və saxlanıldığı haqda məlumat yayılıb.

Axar.az xəbər verir ki, bu barədə sosial şəbəkələrdə məlumat yayılıb.

Həmçinin Naxçıvanın vergilər naziri Azər Nağıyevin də istintaqa cəlb edildiyi iddia edilib.

Qeyd edək ki, DTX Naxçıvanda geniş antikorrupsiya əməliyyatı aparır. Bu vaxta qədər Naxçıvan Maliyyə Nazirliyi və Gömrük Komitəsində aşkarlanan külli miqdarda (müfaviq olaraq 144 və 132 milyon manat) yeyinti faktının aşkara çıxmasından sonra Gömrük Komitəsi ləğv edilib və onun bazasında mərkəzə tabe olan baş idarə yaradılıb.

Ötən gün Naxçıvan Muxtar Respublikasının Standartlaşdırma, Metrologiya və Patent üzrə Dövlət Komitəsində də əməliyyat keçirildiyi məlumatı yayılmışdı.