13:31

Sabirabad rayon Kovlar kənd tam orta məktəbin istilik sistemi dizel yanacaqlı qazanxana ilə işləyir. Məktəbə dizel yanacağı təhvil verildikdən sonra qazanxana işə salınıb. Qazanxanada bəzi problemlər ortaya çıxıb. Hazırda ustalar məktəbdə təmir-bərpa işləri aparır.

Bu barədə Axar.az-a açıqlamasında Mil-Muğam Regional Təhsil İdarəsinin İctimaiyyətlə əlaqələr üzrə məsul nümayəndəsi Vilayət Əliyev deyib.

Qeyd edək ki, bu gün sosial şəbəkələrdə Sabirabad rayonunun Kovlar kəndində orta məktəb şagirdlərinin sinif otaqlarının soyuq olduğuna görə “Soyuqdan donuruq” sözləri yazılmış plakatlarla etiraz etdikləri fotolar yayılıb.