Axar.az
Yuxarı

FIA-nin iclası yenidən Bakıda keçiriləcək

Ana səhifə Toplum
12 Punto 14 Punto 16 Punto 18 Punto

Beynəlxalq Avtomobil Federasiyasının (FIA) Baş Assambleyasının 2023-cü ildəki toplantısı və mükafatlandırma mərasimi Bakıda keçiriləcək.

Axar.az xəbər verir ki, bu barədə FIA Baş Assambleyasının İtaliyanın Bolonya şəhərində keçirilən iclasında qərar verilib.

Toplantıda ölkəni Azərbaycan Avtomobil Federasiyasının (AAF) prezidenti Anar Ələkbərovun başçılığı ilə nümayəndə heyəti təmsil edir.

Qeyd edək ki, FIA Baş Assambleyasının iclası və mükafatlandırma mərasiminə ev sahibliyi etmək üçün bir neçə ölkə, həmçinin, Azərbaycan müraciət etmişdi. Səsvermə nəticəsində müraciət edən ölkələr arasından Azərbaycanın namizədliyi təsdiq olunub. Beləliklə, Bakı 2023-cü il dekabrın 4-8-də bu beynəlxalq tədbirə ev sahibliyi edəcək. FIA Baş Assambleyasının iclası və mükafatlandırma mərasimi tədbirləri zamanı dünyanın müxtəlif ölkələrindən avtomobil təşkilatları, avtomobil idmanının görkəmli simaları ölkəmizdə bir araya gələcək.

İllik və ya növbədənkənar çağırılan Baş Assambleya FIA-nın ali qərarverici orqanıdır və Beynəlxalq Avtomobil Federasiyasının üzv təşkilatlarını təmsil edən avtoidman federasiyalarından (klublardan) və mobillik sahəsində fəaliyyət göstərən klublardan ibarətdir. Hər il fərqli ölkələrdə keçirilən bu tədbirin məqsədi avtomobil idmanı və sənayesi sahəsində müxtəlif mövzuları müzakirə etməkdir.

Mükafatlandırma mərasimi isə (FIA Prize-Giving Ceremony) avtomobil idmanı üzrə mötəbər tədbirlərdən biri sayılır. 2011-ci ildən keçirilən bu mərasim FIA Baş Assambleyasının yekununda təşkil olunur və tədbirdə avtomobil idmanı üzrə müxtəlif mükafatlar təqdim edilir.

Tarix
2022.12.09 / 19:56
Müəllif
Axar.az
Şərhlər
Digər xəbərlər

Haluk Levent çağırış etdi: İçməli su lazımdır…

“Zəkat, Vergi və Gömrük Konfransı” keçirilir

Bakıda bu binalar təbii fəlakətlər zamanı təhlükəlidir

Nazirlikdən influenza virusu ilə bağlı – Xəbərdarlıq

Prezident Tofiq Quliyevin abidəsinin açılışında - Foto

BNA-dan hərəkət iştirakçılarına xəbərdarlıq

Qarabağ Regional Turizm İdarəsi yaradıldı

İlham Əliyev 1 fərman, 1 sərəncam imzaladı

FHN-çilər 26 nəfəri dağıntılar altından sağ çıxardı

Bakıda NATO-nun təlim kursu keçirilir

KULT
<>
Xəbər xətti
Axar.az'da reklam Bağla
Reklam
Bize yazin Bağla