Ana səhifə Toplum |
Qax və Şəki şəhərində intihara cəhd hadisəsi baş verib.
Axar.az xəbər verir ki, Qaxda bir uşaq anası intihara cəhd edib.
Qax Rayon Mərkəzi Xəstəxanasından (RMX) verilən məlumata görə,
noyabrın 4-ü saat 11:30 radələrində rayonun Qazmalar kənd sakini
1990-cı il təvəllüdlü Dinara Oruc qızı Məmmədova ağır vəziyyətdə
xəstəxanaya daxil olub. Araşdırma zamanı məlum olub ki, bir uşaq
anası olan 25 yaşlı Dinara Məmmədova intihar etmək məqsədi ilə
özünü valideynlərinin yaşadığı evin həyətyanı sahəsində tikilmiş
yardımçı tikilidən asıb. D.Məmmədova son anda qonşuları tərəfindən
xilas edilib. Xəstəxananın reanimasiya şöbəsinə yerləşdirilən
Dinara Məmmədovanın vəziyyətinin ağır olduğu bildirilir.
Qax rayon Polis Şöbəsindən APA-ya verilən məlumatda Dinara
Məmmədovanın intihara cəhd etməsi faktı təsdiqlənib, hadisə ilə
bağlı araşdırmanın aparıldığı bildirilir.
Şəkidə də intihara cəhd hadisəsi baş verib.
Report xəbər verir ki, Şəki şəhəri F.X.Xoyski küçəsi, ev 7 ünvanında yaşayan 43 yaşlı Aytən Mahmudova intihar etmək məqsədilə bir neçə müxtəlif adda dərman həbi qəbul edib.
Zəhərlənmə əlamətləri ilə xəstəxanaya daxil olan bir uşaq anası, Reanimasiya şöbəsinə yerləşdirilib. Ona lazımi tibbi yardım göstərildikdən sonra vəziyyəti stabilləşib.
Rayon hüquq-mühafizə orqanlarından verilən məlumatda qadının xeyli miqdarda borcu olduğu üçün intihara cəhd etmək istədiyi və hadisə ilə bağlı araşdırma aparıldığı bildirilib.
Tarix
2015.11.04 / 23:30
|
Müəllif
Axar.az
|